Ishaa (Urdu Translation of She) - ایشہ

ایشہ

مصنف: رائیڈر ہیگرڈ

اردو روپ : مظہر الحق علوی

رائیڈر ہیگرڈ کا ناول ’’ایشہ‘‘ (She) ادب کی اُن لازوال تخلیقات میں شمار ہوتا ہے جنہوں نے مہم، اسرار، طلسم، محبت اور ابدیت کے تصورات کو ایک نئی جہت عطا کی۔ یہ ناول محض ایک داستان نہیں بلکہ ایک پراسرار سفر ہے جو افریقہ کے تاریک اور نامعلوم جنگلات، کھوئی ہوئی تہذیبوں، قدیم رازوں اور انسانی خواہشات کی گہرائیوں تک لے جاتا ہے۔ ناول کی سب سے پُراسرار اور مسحورکن شخصیت ’’ایشہ‘‘ ہے۔ ایک ایسی عورت جو صدیوں سے زندہ ہے۔ غیر معمولی حسن اور پراسرار طاقت کی مالک۔ جسے اُس کی قوم دیوی کا درجہ دیتی ہے۔ ایشہ صرف ایک کردار نہیں بلکہ حسن، اختیار، محبت، انتقام اور لافانی ہونے کی انسانی آرزو کی علامت بن کر سامنے آتی ہے۔ اُس کے گرد پھیلا ہوا خوف، کشش اور طلسم ابتدا ہی سے اپنی گرفت میں لے لیتا ہے۔