Qaim Deen - قائم دین

اک خوبصورت کتاب منفرد، انمول کہانیوں کے ساتھ۔ یہ افسانے حقیقت سے قریب تر ہیں کہ پیش کرتے ہیں اصل زندگی کا عکس جو موجود ہے ان پنوں میں۔ ایک آدمی کہ جس کو ساری زندگی طعنہ دیا جاتا ہے اس پیدائش کا جو اس کے ہاتھ میں نہیں تھی۔ ایک آدمی جو پانیوں کو اپنا کھیل سمجھتا ہے اور آخر وہی پانی اس کی زندگی لے لیتا ہے۔ ایک آدمی جو کہ گورکن ہے اور بڑے بڑے لوگوں کی قبریں بناتا ہے اور ان کی سیوا کرتا ہے لیکن جب خود مرتا ہے تو وہی بڑے آدمی اسے اپنے قبرستان میں دو گز زمیں بھی نہیں دیتے۔ ایک آدمی اس محبت کے لیے اپنا مذہب تک تبدیل کر دیتا ہے جو اسے نہیں ملتی مگر ہاں آخر میں وہ اپنے ساری جائیداد اس لیے چھوڑ دیتا ہے کیونکہ سفارش "وہ" کرنے آئی تھی۔ اور آخری افسانہ "شیدے نے پگڑی باندھ لی" ناقابل بیان ہے اس کا اختتام۔ افسانہ ختم ہوتے ہی آپ کتاب بند کر کے کچھ لمحوں کے لیے آنکھیں پھاڑ کر فضا کو تکتے رہتے ہیں اور اختتام اپنے الفاظ ڈھونڈتا رہتا ہے۔
کچھ افسانے بالکل سمجھ سے بالاتر لگے جس میں ایک ہے "معمار کے ہاتھ" " شہابو خلیفہ کا شک" "شامدار کی پازیبیں" یہ وہ افسانے ہیں جس کی کہانی کوئی خاص اثر نہیں رکھتی۔
مطالعہ ۴ مئی ۲۰۲۶